今日係6月24日, 星期四, 距離我離開呢間做左個半月o既公司仲有4日半, 唔知點解自從辭左職之後, 總係覺得o的時間過得好慢好慢, 而每日我覺得最辛苦o既時候, 莫過於食完飯開始兩點半至5點呢段時間, 因為真係好眼訓, 不過呢o的日子將會好快過去, 因為我覺得黎緊我7月5日番o個份新工, 就冇咁得閒啦, 因為o個間係細公司, 相信/肯定咩都要做, 不過係咁架啦, 份人工真係好ok, 又有13個月糧, 又有花紅, 去邊度搵呀, 所以我要好好咁享受一下o係番工時間, 不停咁上網o個種感覺…….

已經開始再搵工, 星期三有份新工見, 真係好彩, 見工唔洗請假, 因為o係我而家呢間公司附近, 至於時間方面仲好, 見8:45am, 見完仲可以繼續番工, 完全好似冇事發生過咁....

尋晚上網搵工, 好似好多工都o岩咁, 不過大致上出面個環境都唔係咁好, 同埋主要請都係針織o個邊...唉.....希望真係快o的搵到一份新工啦....

仲有16日已經o係呢間新公司度做左一個月啦, 時間真係過得快, 可惜呀, 尋日決定左再次搵工, 唔做唔係因為我挑剔, 而係呢間公司真係好亂, 係亂得好誇張o個隻, 但係導致我再去搵工o既原因, 都係因為公司簽employment letter 時, 冇啦啦同我講話呢間公司冇雙糧....

" 冇雙糧 " ......好大件事, 一年做到晚, 我都係要等o個份雙糧, 呢個問題, 我曾經問過我個fd, 問吓佢有咩意見, 佢話會睇下公司有冇前景, 我心諗成個香港都冇前景架啦, 況且呢間公司咁樣, 佢話雖然冇雙糧, 但係有 bonus, bonus....比100蚊你都叫bonus架啦....真係老土呀......

唔經唔覺已經冇番工已經有1個月零8日啦, 時間雖然過得好快, 但係心情就好唔開心, 一來冇工番, 二來覺得每日都好百毛了賴咁, 有一日唔知點解有一種想去死左去o既感覺, 覺得自己好冇用.....

出面個環境都唔係咁差姐, 但係見工o既次數都唔係好多, 比你去interview o既, 間公司又話比唔到你要求o既人工, 其實我知道自己o既學歷同經驗都唔係好夠, 所以我要求o既人工都係相比出面o既市場底, 但係總係唔ok, 唉.....好煩呀.....!!!  唔通而家o的老細想要求merchandiser o既人工要同assistant merchandiser 一樣???

由今早起身到而家, 個肚完全未試過有肚餓o既感覺, 因為有好多同事今日開始同我farewell, 由lunch, tea time到dinner, 一手都係我同事包辦, 真係有好有唔好;

而明天又有得食;

大後日又有得食;

想keep 吓 fit 都幾難呀;

哈哈哈.......!!!

好耐都冇試過星期日呢段時間o係屋企啦,

可以輕輕鬆鬆咁一路聽eason隻新歌"一絲不掛"咁去寫blog,

呢隻歌係我近排好鐘意o既歌,

其實佢成隻新碟o的歌好好聽, 所以大家可以不妨去聽下,

番多3日工, 我就唔會再o係呢間公司番工啦, 所以近排都有一種失落感,

雖然係咁, 我又可以做o的咩呀, 公司冇生意就係咁架啦, 雖然只係過左1個星期, 人地又問你留唔留番o係度做,

自己又放棄左啦, 不過咁都係一件好事黎o既, 總有一日自己要離開呢間公司,

何必太過固執著呢........

因為尋晚同阿媽嘈交, 所以今日心情極之差,

唔想同我唔鐘意o既同事講野 ( 呢樣做唔到, 因為佢問我野 )

唔想同我唔鐘意o既同事食lunch ( 呢樣已經做得到, 因為叫左外賣 )

唔想收到佢o既sms, 因為覺得佢好煩,

總之......想快o的到星期六放假........

忘不掉的歲月印象裡是我淡淡泊泊的家
   在日記內某夜你話我像痴心娃娃看天下
   簷蓬上面那天空　那年可不一樣嗎
   那天我不懂你的話

如今自己繼續每日製造我熱熱鬧鬧一生
　但在美夢裡又渴望再做個簡簡單單的人
　回頭問問這天空　這人生可輕易嗎
　這些你到底明白嗎　＊

臉上泛著微熱　髮上結著紅蝴蝶
　正是那段往事　我思憶中的七月
　樹都長得高嗎　記得那一天嗎
　你可記得那天惜別

見面卻是無話　再任性吧小娃娃
　快樂了便笑吧
　讓失去的感覺　又進入我軀殼
　再乾半杯再找童話國

仲有18日就到農曆新年啦,

時間真係過得好快呀,

好想快o的到,

因為想放下假呀,

好攰呀.......