今日係11月24日, 心情幾好, 不過NM尋晚同我講, 佢唔舒服呀, 個肚痛呀, 又有小小感冒喎, 不過最搞笑O既莫過於佢仲食海南雞飯, 病仲食雞係咪想死呀.....

今日心情幾好, 好想去買野呀......

今日係星期三,

心情麻麻地,

因為公事啦, 個客啦,

私人事啦,

希望明天順利啦, 最衰都係個客, 佢地自己搞錯左O的野,

就要我地黎補救.....

算啦,

想快O的到下星期三,

因為可以再次去食法國菜........

正呀.....

今日落到屋企樓下, 感覺到天氣真係涼左好多, 諗住扮吓大隻穿短袖衫都頂唔順, 最後都係要折返番屋企攞番件外套穿下.....

今日有三件事想講呀, 都幾長吓, 唔知我有冇心機將我想講o既野打晒出黎呢....希望可以啦.....

1/ 如我上一篇所講, 今次佢同佢女友嘈, 我覺得好唔同, 今日已經係第三日, 但係佢o既心情都唔係咁好, 我問佢發生咩事, 佢都只係好簡單咁講左幾句, 問佢有冇哄番佢女友佢又話冇, 但係我覺得佢今次好在意呢件事, 希望佢地快o的冇事啦.....

2/ 近排番工都唔係好開心, 因為公司上o既人事關係, 總係覺得佢地 ( 我的女同事同我上司 ), 其實我知道呢o的野係好普通o既事, 但係個心總係唔舒服, 而我今日都好冇主動同佢地兩個講野, 當然人地叫到我o既時候, 語氣就好似冇事發生咁啦, 跟住食lunch前, 我阿姐問我同唔同佢地出去食, 我拒絕左佢地, 因為都知道出到去同佢地食飯都冇咩話題架啦, 人地日日對住食飯梗係冇問題啦, 我廢事次次都要搵話題去講啦, 既然唔開心o既, 一唔一斉食都冇所謂啦, 不過我知道如果比我o的朋友知道o既話, 佢地梗係覺得我好小氣....好細佬架, 所以呢件事, 只係得屋企人知, 同埋而家睇緊呢個blog o既人知炸.....

3/ 呢2日o係屋企, 上左sina個網,, 見到有一個blog, 佢個blog都幾好睇o既, 但最令我最深刻o既, 莫過於佢同佢而家個老公相識o既過程, 呢個blog o既主人係一個肥妹仔黎架, 佢講佢點認識佢老公, 點樣幫佢老公(o係未結婚之前), 包括金錢, 時間方面, 呢個blog主講, 佢地未結婚o既時候, 佢身邊o既朋友講, 叫佢放棄呢個男人, 因為覺得呢個男人唔會鐘意肥妹架, 可能其他人睇完之後會覺得呢個blog主係好似講緊故事咁, 但係我就唔認同啦, 因為我都嘗試過好似呢個blog主咁去幫一個鐘意o既人, 包括時間, 金錢, 但係我知道我冇佢咁好耐性, 不過我都登佢開心架, 因為佢鐘意o既人都知道佢o既心意, 仲同佢結埋婚添, 真係幸福呀.........

尋晚打電話比佢, 正當我同佢講野o既時候, 感覺到佢心情怪怪地, 咁我問佢發生咩事, 佢話冇野喎, 咁我識佢咁耐, 覺得佢實係有事架啦, 再三問佢之下, 原來佢同佢女朋友鬧交, 我問佢因為咩事, 佢唔講, 佢話遲o的先同我講喎, 唔知點解從佢o的聲氣聽得出, 佢好唔開心, 當時我覺得原來佢o既女朋友o係佢心目中真係好重要, 但係亦都唔知點解我想佢地快o的好番, 唉......或者可能係我心多姐.......

投先同我個男同事傾左 一陣, 原來佢都覺得我另外一個女同事我同阿姐好friend, 唔出奇o既, 人地日日都係一斉出去食飯o既, 感情係好o的o既, 不過唔知點解個心都係唔舒服........

今日心情麻麻地呀, 突別係投先發生左一件事, 剛剛有一間工廠上左我公司比辦我, 當時我第一時間係睇下o的尺寸, 咁我用我隻手去度, 當時比我見到真係比個原辦細左, 咁我咪同我間廠講囉, 點知阿姐就即時o係現場話我, 點解唔用軟尺去度, 當時我話我會, 其實我心諗, 我當然會啦, 洗唔洗咁話我呀......唉.......算啦, 呢一間公司我只係想做夠2,3年就走架啦, 我係攞經驗姐.......

仲有5分鐘, 已經9點啦, 但係仲o係公司做野....好多野做呀.....

有時諗, 關係對一個人o係公司黎講真係好重要, 好似我今日有一個新同事咁, 只係過左試用期冇幾耐, 已經可以請一日假啦, 原因係咩....就係同自己個仔去旅行, 搞好關係真係好呀, 一個咁唔成理由o既, 都可以去放假......幾好......

今日係11月3日, 已經進入左糧尾o既階段, 好慘呀, 仲要等到11月30才先至出糧呀.....有排捱呀.....

話咁快已經11月啦, 即係仲有2個月2008年已經完結, o係2008年對於我黎講, 不過不失啦, 冇咩大起跌, 首先工作方面, o係呢間公司做左1年1個月有多, 時間真係過得好快, 學o既野都多左, 包括自己跟o既單啦, 其次都係人事方面啦, 因我都係第一次o係一間百幾人o既私人公司做野, 初初感覺都幾特別架, 但而家時間耐左, 已經冇咩大分別啦, o的同事總有一些好o既......